"يسلمو" "مشكور" "ماقصرت" ؟!!

مثل مانتوا ملاحظين الاسلوب الواحد السائد في المنتديات
واللي هو عنوان موضوعنا

يعني حنا داخلين المنتدى عشان نفيد بعض بآرائنا واقتراحاتنا

اتعجب من هذول اللي يردون كذا خصوصاً في مواضيع النقاش

يعني اذا قلتلي مشكور وقلتلك العفو وش فدتني وفدتك فيه بالله؟

افلق نفسي فلقتين بالماوس اذا ماكان قصدهم يزيدون المشاركات

الصراحه اشوف ناس تدخل مواضيع نقاش تقول "يسلمو على الموضوع الحلو"

عارفيين انه الموضوع حلو..طيب اتكلم قول شي..ليه انا حاط موضوع نقاش ولا

تعال اقرا وأمش ؟؟؟ليه هو عيب فيهم ولا وشو ؟

اختكم احــــــــــــــــــــــــــــــــــــساس انثى

احساس انثى

وربي حتى انا استغرب وافهم ان الموضوع مايحتاج له نقاش

يخشون ويقولون يسلمو دمتي بود هذا ايعالم نقاش يعني المفروض يقولونا وجهات نظرهم

والله من باب يزيدون مشاركاتهم ففي هذه صدقتي ليه يعني اذا كتبوا وجهة نظرهم بينذبحون

صحيح لاحظت هالشيء ويتوجب لنا ان نضعه كقانون في قسم النقاشات الجادة ومع اني عارفة ماراح يتطلعون له

بس ياليت يلفتون انتباههم لهذه النقطة

اولاً شكراً على الملاحظه اختي
ثانياُ من وجهة نظري ان الكلام الي قلتي عنه عادي مره
يعني انا مثلاً اذا رديت على موضوع وقلت يسلموووو موضوع حلو صار هالشي مو زين لا عادي
بعدين اذا كثرت المشاركات او قلة وشو يعني يزداد رصيدنا بالبنك طبعاً لا كلنا عندنا عقول ونفكر فيها
وان كان الرد بيسلمووو او من هذا القابيل فيكون تنويه على اننا قرينا الموضوع وعجبنا ونطمح للاكثر
واذا نبي نفيد احد نكتب مواضيع ونشوف الاراء اما الردود تكون مثل هالشي يكون لمحة على ان الموضوع انقرى وفي بعض مواضيع اساساً ماتحتاج رد يعني للعرض فقط عموماً موضوعك ملفت للنظر وهذي وجهة نظرك واحترمها بكل تقدير
تقبلي مروري اختي.